நீங்கள் தேடியது "ரஷிய தலையீடு"

மாஸ்கோ:

அமெரிக்காவில் 2016-ம் ஆண்டு நடந்த ஜனாதிபதி தேர்தலில் குடியரசு கட்சி வேட்பாளராக போட்டியிட்ட டிரம்பின் வெற்றிக்காகவும், ஜனநாயக கட்சி வேட்பாளராக நின்ற ஹிலாரி கிளிண்டன் தோல்விக்காகவும் ரஷியா நேரடியாக தலையிட்டதாக குற்றச்சாட்டு எழுந்தது. இதுபற்றி விசாரணை நடந்து வருகிறது. இந்த குற்றச்சாட்டை ரஷியாவும், டிரம்பும் பல முறை மறுத்துள்ளனர்.

ஆனால், டிரம்பின் தேர்தல் பிரசாரத்தில் ரஷியாவின் தலையீடு இருந்ததற்கு என்னிடம் ஆதாரம் உள்ளது என்று பெலாரஸ் நாட்டைச் சேர்ந்த பிரபல மாடல் அழகி நாஸ்டியா ரிப்கா கூறி பரபரப்பை ஏற்படுத்தினார். இந்த நிலையில் அவர் மாஸ்கோ விமான நிலையத்தில் ரஷிய போலீசாரால் கைது செய்யப்பட்டுள்ளார். முன்னதாக அவர் தாய்லாந்து நாட்டில் இருந்து நாடு கடத்தப்பட்டார்.

அவர் கைது செய்யப்பட்டது தொடர்பான படத்தை அவரது வக்கீல் டிமிட்ரி ஜாட்சரின்ஸ்கி சமூக வலைத்தளம் ஒன்றில் வெளியிட்டுள்ளார். அவர் இந்த கைது நடவடிக்கையை சர்வதேச ஊழல் என்று விமர்சித்து உள்ளார்.

இதற்கிடையே ரஷிய உள்துறை அமைச்சகம் ஒரு அறிக்கை வெளியிட்டுள்ளது. அதில் நாஸ்டியா ரிப்காவும், மேலும் 3 பேரும் விபசாரத்தில் ஈடுபட்டு வந்ததாகவும், அதனால் கைது செய்யப்பட்டுள்ளதாகவும் கூறப்பட்டுள்ளது.

இந்த குற்றச்சாட்டு நிரூபிக்கப்பட்டால் நாஸ்டியா ரிப்காவுக்கும், அவரோடு கைது செய்யப்பட்டுள்ளதாக கூறப்பட்டுள்ள 3 பேருக்கும் அதிகபட்சம் 6 ஆண்டு சிறைத்தண்டனை விதிக்க வாய்ப்பு உள்ளது. #DonaldTrump #NastyaRybka

வாஷிங்டன்:

அமெரிக்காவில் 2016-ம் ஆண்டு நவம்பர் 8-ந் தேதி நடந்த ஜனாதிபதி தேர்தலில், ரஷியா நேரடியாக தலையிட்டதாக புகார் எழுந்து இருக்கிறது.

குறிப்பாக அப்போது குடியரசு கட்சி வேட்பாளராக போட்டியிட்ட டொனால்டு டிரம்ப் வெற்றி பெறவும், ஜனநாயக கட்சி வேட்பாளராக களம் இறங்கிய ஹிலாரி கிளிண்டன் தோல்வி அடையவும் ரஷியா தலையிட்டது என கூறப்படுகிறது.

இது தொடர்பாக அமெரிக்காவில் ராபர்ட் முல்லர் தலைமையிலான சிறப்பு விசாரணைக்குழு விசாரணை நடத்தி வருகிறது.



அமெரிக்க ஜனாதிபதி தேர்தலின்போது டிரம்பின் உதவியாளராக, அவரது பிரசார குழுவில் இணைந்து செயல்பட்டவர், ஜார்ஜ் பப்படோபுலஸ் (வயது 31). இவர் 2016-ம் ஆண்டு மார்ச் மாதம் டிரம்பின் வெளியுறவு கொள்கை ஆலோசகராக சேர்ந்தார்.

இவருக்கு மால்டா நாட்டை சேர்ந்த கல்வியாளர் ஜோசப் மிப்சுட் என்பவருடன் தொடர்பு ஏற்பட்டது.

இந்த நிலையில் ஜார்ஜ் பப்படோபுலஸ்சிடம் ஜோசப் மிப்சுட், ஹிலாரி தொடர்பான ஆயிரக்கணக்கான மின் அஞ்சல்கள் ரஷியர்களிடம் உள்ளது என கூறினார். மேலும் அவர், ரஷிய அதிபர் விளாடிமிர் புதினிடம் தனக்கு தொடர்பு உண்டு என்றும் கூறினார்.

இந்த நிலையில் டிரம்பிடமும், அப்போதைய செனட் சபை எம்.பி.யான ஜெப் செசன்சிடமும், தன்னால் டிரம்ப், புதின் சந்திப்புக்கு ஏற்பாடு செய்ய முடியும் எனவும் ஜார்ஜ் பப்படோபுலஸ் கூறி உள்ளார். இதற்கு டிரம்ப் தலையை அசைத்து சம்மதம் தெரிவித்து உள்ளார். ஆனால் இது குறித்து முடிவு எடுப்பதை அவர் ஜெப் செசன்சிடம் விட்டு விட்டார் என்றும் கூறப்படுகிறது.

இதற்கு இடையே லண்டன் விடுதி ஒன்றில் ஆஸ்திரேலிய உயர் அதிகாரி ஒருவரிடம் ஜோசப் மிப்சுட்டுடனான தனது சந்திப்பு பற்றி ஜார்ஜ் பப்படோபுலஸ் கூறி உள்ளார்.

அமெரிக்காவில் ஜனநாயக கட்சியின் மின்னஞ்சல்கள் கசிந்த விவகாரம் பரபரப்பை ஏற்படுத்திய கால கட்டத்தில், ஆஸ்திரேலிய உயர் அதிகாரி, ஜார்ஜ் பப்படோபுலஸ் தன்னிடம் கூறிய விவகாரங்களை அமெரிக்க அதிகாரிகளிடம் தெரிவித்து விட்டார்.

அதைத் தொடர்ந்து, அமெரிக்க தேர்தலில் ரஷிய தலையீடு தொடர்பாக அமெரிக்க மத்திய புலனாய்வு அமைப்பான எப்.பி.ஐ.யின் அதிகாரிகள், ஜார்ஜ் பப்படோபுலஸ்சிடம் விசாரணை நடத்தினர்.

அந்த விசாரணையில் ரஷியாவுடன் தொடர்பு உடைய 2 பேரை தான் டிரம்ப் உதவியாளராக சேர்ந்த பின்னர் சந்தித்து இருந்தாலும், டிரம்பிடம் சேருவதற்கு முன்பாக சந்தித்ததாக பொய் சொல்லி விட்டார்.

இது தொடர்பாக அவர் மீது வாஷிங்டன் மாவட்ட கோர்ட்டில் வழக்கு தொடரப்பட்டது. எப்.பி.ஐ.யிடம் தான் பொய் சொன்னது குறித்து அவர் ஒப்புக்கொண்டார்.

மேலும் விசாரணைக்கு அவர் ஒத்துழைப்பும் அளித்து உள்ளார்.

அதன் காரணமாக அவருக்கு குறைந்த தண்டனையாக 14 நாள் சிறைத்தண்டனையும், 9 ஆயிரத்து 500 டாலர் (சுமார் ரூ.6 லட்சத்து 65 ஆயிரம்) அபராதமும் விதித்து நீதிபதி ராண்டல்ப் மோஸ் தீர்ப்பு அளித்தார். அப்போது அவர், ஜார்ஜ் பப்படோபுலஸ் நாட்டின் பாதுகாப்பு முக்கியத்துவம் வாய்ந்த விஷயத்தில் பொய் கூறி விட்டார் என கூறினார்.

முன்னதாக ஜார்ஜ் பப்படோபுலஸ் நீதிபதியிடம், “நான் தேசப்பற்று கொண்ட அமெரிக்கர். இப்போது என் வாழ்க்கையே தலைகீழாகப்போய்விட்டது. என்னை நான் சரிசெய்து கொள்ள வாய்ப்பு தர வேண்டும்” என்று கேட்டுக்கொண்டது குறிப்பிடத்தக்கது.

அமெரிக்க தேர்தலில் ரஷிய தலையீடு தொடர்பான விசாரணையில் டிரம்பின் முன்னாள் ஆலோசகர் ஒருவருக்கு சிறைத்தண்டனை விதிக்கப்பட்டு இருப்பது இதுவே முதல் முறை என்பது குறிப்பிடத்தக்கது.  #DonaldTrump #GeorgePapadopoulos

வாஷிங்டன்:

அமெரிக்காவில் 2016-ம் ஆண்டு நவம்பர் 8-ந் தேதி நடந்த ஜனாதிபதி தேர்தலில், குடியரசு கட்சி வேட்பாளராக போட்டியிட்ட டிரம்ப் வெற்றி பெறவும், ஜனநாயக கட்சி வேட்பாளராக களம் இறங்கிய ஹிலாரி கிளிண்டன் தோல்வி அடையவும் ரஷியா நேரடியாக தலையிட்டது என்ற புகார் எழுந்தது.

இது தொடர்பாக ராபர்ட் முல்லர் தலைமையிலான குழுவின் சிறப்பு விசாரணை நடைபெற்று வருகிறது.



இதில், டிரம்பின் பிரசார உதவியாளராக செயல்பட்ட ஜார்ஜ் பப்படோபவுலஸ், ரஷியாவுடனான தனது தொடர்புகள் பற்றி எப்.பி.ஐ. என்னும் மத்திய புலனாய்வு படை விசாரணையின்போது பொய் கூறியதாக ஒப்புக்கொண்டார்.

இந்த நிலையில், அவருக்கு 6 மாதங்கள் சிறைத்தண்டனை விதிக்குமாறு கோர்ட்டுக்கு ராபர்ட் முல்லர் விசாரணைக்குழு சிபாரிசு செய்து உள்ளது. இது தொடர்பான சிபாரிசில், “இந்த தண்டனை தேவையானது, இந்த தண்டனை சரியானது” என கூறப்பட்டு உள்ளது.

மேலும்,“ஜார்ஜ் பப்படோபவுலஸ் , விசாரணையை கெடுக்கும் நோக்கத்துடன்தான் உண்மைகளை மறைத்து உள்ளார்” எனவும் கூறப்பட்டு உள்ளது.

இந்த வழக்கில் ஜார்ஜ் பப்படோபவுலஸ்க்கு விதிக்கப்படுகிற தண்டனை விவரம் அடுத்த மாதம் 7-ந் தேதி அறிவிக்கப்படும் என தகவல்கள் கூறுகின்றன.